Aile.az saytının əsas fəaliyyət istiqməti və strategiyası ana südü ilə qidalandırmanın dəstəyidir.
09.05.2009 21:03
Əziz Aile.az saytının istifadəçiləri!
Siz körpənizin dünyaya gəlməsiniz gözləyirsiniz. Onun doğulması ilə Sizin həyatınız dəyişəcək – xoş qayğılar, hədsiz sevinc hissləri sizi bürüyəcək, körpənin sağlamlığına və gələcəyinə görə məsuliyətiniz birə min artacaq. Körpənizin sağlamlığı və inkişafı ilk növbədə Sizin özünüzdən asılıdır. Ümid edirik ki, heç bir ana körpəsindən ana südünü əsirgəməyəcək!
Biz öz təcrübəmizdən, gənc anaların nəylə üzləşdiklərini, ilk çətinliklərlə və depressiya ilə necə mübarizə apardıqlarını, yanınızda körpəylə bağlı yardımın olmamasının nə olduğunu və bunun necə çətin olduğunu bilirik.
Analara çox vaxt ana südü ilə qidalandırmanın düzgün təşkil olunmasında köməklik tələb olunur.
Biz Sizə bununla bağlı, laktasiyanın düzgün nizamlanması, saxlanılması və ana südü ilə qidalandımanın düzgün təşkil edilməsi istiqamətində maksimal yararlı məlumat verməyə çalışırıq və çalışacayıq.
Səmimi qəlbdən Sizə səbr, möhkəm can sağlığı və yüngül doğuş arzulayırıq!
Aile.az saytının administrasiyası