Gilələrin şişkinliyi və soyuqlamasının digər səbəbləri
11.09.2009 09:22
Xüsusilə antibiotik qəbul etdikdən sonra, süd yarası adlanan, göbələk xəstəliyi baş verə bilər. Süd yarası xəstəliyinə tutulan qadınlar döşlə əmizdirdikdə döşdə yandırıcı ağrı hiss edirlər. Dəri bu zaman parıltılı olur, qızarır və qabıq verir. Uşaqda isə (həmişə yox) ağızda ağ ləkələr və ya yanlarında səpkilər ola bilər. Qensianviolet ya nistatin tapmağa çalışın.
Uşağın müalicəyə ehtiyacı olur, əks təqdirdə o ananın döş giləsini yenidən yoluxdura bilər. Uşağın ağız boşluğunu (və oturacaqlarını) və ananın döş giləsinin müalicəsi üçün eyni preparatdan istifadə etmək olar. Belə halda, xoşagəlməz hal olduğuna baxmayaraq, uşağı döşlə əmizdirməyə davam edin. Əmizdirmənin birdən dayandırılması xəstəliyi kəskinləşdirə bilər. Əgər əmizdirmə dözülməz ağrı verərsə, südü ehtiyatla təmiz fincana sağın və uşağa verin. Mastitin əmələ gəlməməsi üçün isə siz südün axmasını təmin etməlisiniz.
Bunu tibb işçisinə göstərin
Döş giləsinin müalicəsi.
Rəng şəkilində olan qensianviolet:
Uşağın ağzını: 5 gün ərzində hər gün və ya günaşırı, yaxud zədələnmədən sonra 3 gün ərzində 0.25% məhlulla təmizləyin. Ananın döş gilələrini: 5 gün ərzində hər gün 0.5% məhlulla təmizləyin.
YAXUD
Nistatin məlhəmi (100 000 v/q) gündə 4 dəfə əmizdirmədən sonra döş giləsinə sürtmək. Zədələnmənin sağalmasından sonra 7 gün sürtün.
Nistatin suspenziyası (100 000 v/ml). Pipetka vasitəsi ilə 1 ml uşağın ağzını yemləmədən sonra 7 gün ərzində təmizləyin və yaxud ananın müalicəsi ərzində.
Yalançı əmzik və butulkaya taxılmış əmziklər kondidoz infeksiyasının (süd yarası) mənbəyi ola bilərlər.