Elektrik vurmasında ilk yardım
07.05.2009 14:36
Elektrik vurması ani ölümə və yaxud ciddi yaraların əmələ gəlməsinə səbəb ola bilər. Əgər insan yüksək gərginlikli elektrik vurmasına məruz qalıbsa, dərhal ondan kənara çəkilin və təcili olaraq Təcili yardım çağırın. Cərəyan vurması siz kənarda olduğunuz zamanda sizi vura bilər. Əgər insanı elektrik məişət cihazları ilə işləməkdən vurubsa, dərhal cihazı şəbəkədən ayırın. Heç bir halda yaş əllərinizlə elektrik cihazlarına əl vurmayın. Elektrik cihazları sudan uzaq olan məsafədə yerləşməlidir.
Təxirə salınmaz tədbirlər
Cihazı dərhal elektrik qaytanından çəkib elektrik qovşağından ayırın. Zərərçəkmişi taxta stul və yaxud taxta ilə (istifadə etdiyiniz əşya cərəyan keçirən materaldan olmamalıdır) kənara itələyin. Bunu etməmişdən qabaq zərərçəkmiş dərhal özü ona toxunan hər kəsi cərəyanla vura bilər.
Zərərçəkmiş elektrik cərəyanından izolyasiya edildikdən sonra, dərhal kimdən isə tibbi yardım çağırmaq üçün kömək istəyin.
Zərərçəkmişin tənəffüsünü yoxlayın və lazım gəldikdə ona «ağızdan-ağıza» süni nəfəs verin. Əgər zərərçəkmişin ürəkdöyüntüsü hiss olunmursa, ona ürək massajı edin.